Educación va introducir na llei de la rede 0 a 3 la denominación en gallego-asturianu «As Escolías»
AGORA
La conseyera destacó'l clima de collaboración y entendimientu que ta atopando nestes xuntes que ta entamando nel territoriu colos alcaldes y alcaldeses
19 abr 2024 . Actualizado a las 13:54 h.La conseyera d'Educación, Lydia Espina, avanzó esti xueves que'l Gobiernu autonómicu va aceptar una alegación pa introducir na llei pa la rede autonómica d'escueles infantiles de 0 a 3 años, conocida como «Les Escuelines» tamién la denominación en gallego-asturianu «As Escolías».
Asina lo indicó a les alcaldeses d'El Franco, Cecilia Pérez; de Cuaña, Rosa González, y de Navia, Ana Isabel Fernández; y los alcaldes de Castropol, Francisco Javier Vinjoy, y de Tapia, Pedro Fernández, amás del teniente d'alcalde d'A Veiga, Pablo Fernández, na xunta pa esplica-yos la llei, responder a les sos consultes y atropar información sobre'l funcionamientu y la estructura de les sos escueles municipales.
La conseyera destacó'l clima de collaboración y entendimientu que ta atopando nestes xuntes que ta entamando nel territoriu colos alcaldes y alcaldeses. Tamién recordó que la rede va suponer la medría de la escolarización a edaes tempranes, que va ayudar a fixar población y va ameyorar la calidá educativa.